ସହରାଞ୍ଚଳ ନିର୍ବାଚନ ପୂର୍ବରୁ 35ଟି ପୌରପାଳିକା ଓ NACରେ ଅଧ୍ୟକ୍ଷ ପଦବୀ ସଂରକ୍ଷଣ ପ୍ରସ୍ତାବ
ଆସନ୍ତା ସହରାଞ୍ଚଳ ସ୍ଥାନୀୟ ସଂସ୍ଥା ନିର୍ବାଚନକୁ ଦୃଷ୍ଟିରେ ରଖି ଓଡ଼ିଶା ଗୃହ ନିର୍ମାଣ ଏବଂ ନଗର ଉନ୍ନୟନ ବିଭାଗ ଏକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଦେଇଛି।
କ’ଣ ରହିଛି ପ୍ରସ୍ତାବରେ
ବିଭାଗ ପକ୍ଷରୁ ରାଜ୍ୟର 35ଟି ପୌରପାଳିକା ଏବଂ NAC ରେ ଅଧ୍ୟକ୍ଷ ପଦବୀର ସଂରକ୍ଷଣ ପାଇଁ ପ୍ରସ୍ତାବ ପ୍ରକାଶ ପାଇଛି। କେଉଁ ଶ୍ରେଣୀ ପାଇଁ କେଉଁ ପଦବୀ ସଂରକ୍ଷିତ ରହିବ ସେ ସମ୍ପର୍କରେ ବିଭାଗ ଖସଡ଼ା ତାଲିକା ପ୍ରସ୍ତୁତ କରିଛି।
ଜନସାଧାରଣଙ୍କୁ 15 ଦିନ ସମୟ
ସଂରକ୍ଷଣକୁ ଚୂଡ଼ାନ୍ତ କରିବା ପୂର୍ବରୁ ସରକାର 15 ଦିନ ମଧ୍ୟରେ ଜନସାଧାରଣଙ୍କ ଠାରୁ ଆପତ୍ତି ଏବଂ ପରାମର୍ଶ ଆହ୍ୱାନ କରିଛନ୍ତି। ଏହି ସମୟ ମଧ୍ୟରେ ଯେକୌଣସି ବ୍ୟକ୍ତି ବା ସଂସ୍ଥା ପ୍ରସ୍ତାବିତ ସଂରକ୍ଷଣ ତାଲିକା ଉପରେ ନିଜର ମତ ଦାଖଲ କରିପାରିବେ।
15 ଦିନ ପରେ ଆସିଥିବା ଆପତ୍ତି ଓ ପରାମର୍ଶକୁ ବିଚାର କରି ଅଧ୍ୟକ୍ଷ ପଦବୀର ଚୂଡ଼ାନ୍ତ ସଂରକ୍ଷଣ ତାଲିକା ପ୍ରକାଶ କରାଯିବ।
ଏହି ପ୍ରସ୍ତାବ ପରେ ସହରାଞ୍ଚଳ ନିର୍ବାଚନରେ ପ୍ରାର୍ଥୀ ଚୟନ ଓ ରାଜନୈତିକ ଦଳମାନଙ୍କ ମଧ୍ୟରେ ଚର୍ଚ୍ଚା ଆରମ୍ଭ ହୋଇଛି।
