ହରମୁଜ୍ ପ୍ରଣାଳୀରେ ପୁଣି ବିସ୍ଫୋରଣ: ତେଲ ଟ୍ୟାଙ୍କର ଲ୍ୟାଣ୍ଡମାଇନ୍ ସହ ଧକ୍କା
ହରମୁଜ୍ ପ୍ରଣାଳୀରେ ଉତ୍ତେଜନା କମିବାର ନାମ ନେଉନାହିଁ। ଇରାନ ଏବଂ ଆମେରିକା ମଧ୍ୟରେ ଚାଲିଥିବା ବିବାଦ ମଧ୍ୟରେ ଆଜି ରବିବାର ସେଠାରେ ଆଉ ଏକ ବଡ଼ ଅଘଟଣ ଘଟିଛି।
କ’ଣ ଘଟିଲା?
ରିପୋର୍ଟ ଅନୁଯାୟୀ, ହରମୁଜ୍ ପ୍ରଣାଳୀ ଦେଇ ଯାଉଥିବା ଏକ ତେଲ ଟ୍ୟାଙ୍କର ଲ୍ୟାଣ୍ଡମାଇନ୍ ସହ ଧକ୍କା ଦେଇଥିଲା। ଏହି ଧକ୍କା ପରେ ପ୍ରଚଣ୍ଡ ବିସ୍ଫୋରଣ ହୋଇଥିଲା।
ବିସ୍ଫୋରଣରେ କ୍ଷୟକ୍ଷତି ଏବଂ କୌଣସି ହତାହତ ଖବର ଏପର୍ଯ୍ୟନ୍ତ ଆସିନାହିଁ। ତେବେ ଏହି ଘଟଣା ପରେ ସେହି ଅଞ୍ଚଳରେ ସୁରକ୍ଷା ବାହିନୀକୁ ହାଇ ଆଲର୍ଟରେ ରଖାଯାଇଛି।
ବିଶ୍ୱ ବାଣିଜ୍ୟ ପାଇଁ ଚିନ୍ତା
ହରମୁଜ୍ ପ୍ରଣାଳୀ ଦେଇ ବିଶ୍ୱର ପ୍ରାୟ ୨୦% ତେଲ ପରିବହନ ହୋଇଥାଏ। ଇରାନ-ଆମେରିକା ଟଣାଓଟାରା ମଧ୍ୟରେ ଏଭଳି ବିସ୍ଫୋରଣ ହେବା ପରେ ତେଲ ଦର ଏବଂ ସାମୁଦ୍ରିକ ସୁରକ୍ଷା ନେଇ ବିଶ୍ୱବ୍ୟାପୀ ଚିନ୍ତା ବଢିଛି।
ସମ୍ପୃକ୍ତ ଟ୍ୟାଙ୍କର କେଉଁ ଦେଶର ଥିଲା ଏବଂ ଲ୍ୟାଣ୍ଡମାଇନ୍ କିଏ ଲଗାଇଥିଲା ସେ ନେଇ ଏପର୍ଯ୍ୟନ୍ତ ସ୍ପଷ୍ଟ ସୂଚନା ମିଳିପାରିନାହିଁ।
