କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧିଙ୍କ ପୁଅ ରେହାନଙ୍କ ନିର୍ବନ୍ଧ ହୋଇଥିବା ନେଇ ଚର୍ଚ୍ଚା ସତ୍ୟରେ ପରିଣତ ହୋଇଛି । ପ୍ରିୟଙ୍କାଙ୍କ ସ୍ବାମୀ ରବର୍ଟ ଭଦ୍ରା ନିଜର ସୋସିଆଲ ମିଡ଼ିଆରେ ରେହାନଙ୍କ ନିର୍ବନ୍ଧ ଫଟୋ ପୋଷ୍ଟ କରିବ ପରେ ଚର୍ଚ୍ଚାର ପୁର୍ନଛେଦ ପଡିଛି। ଅବିବାଙ୍କ ସହ ରେହାନଙ୍କ ନିର୍ବନ୍ଧର ଫଟୋ ସୋସିଆଲ ମିଡ଼ିଆରେ ପୋଷ୍ଟ କରି ରବର୍ଟ ଲେଖିଛନ୍ତି କି, ପୁଅକୁ ତାଙ୍କ ଜୀବନସାଥୀ ମିଳିଗଲା । ପୁଅ ଏବେ ଜୀବନର ନୂଆ ପର୍ଯ୍ୟାୟରେ ପ୍ରବେଶ କରିଛି । ସେମାନଙ୍କ ଦୃଢ଼ ପ୍ରେମ ଏବଂ ବିଶ୍ବାସକୁ ମୁଁ ହୃଦୟରୁ ଆଶୀର୍ବାଦ କରୁଛି । ଉଭୟ ଆଗକୁ ବଢ଼ନ୍ତୁ ।ଗତ ୨୯ ତାରିଖରେ ରେହାନ ଏବଂ ଅବିବାଙ୍କ ନିର୍ବନ୍ଧ ରାଜସ୍ଥାନରେ ହୋଇଛି । ରେହାନ ନିଜର ଇନଷ୍ଟାଗ୍ରାମରେ ନିର୍ବନ୍ଧର ଫଟୋ ପୋଷ୍ଟ କରିଛନ୍ତି। ମୁଦି ସହ ଜୀବନସାଥୀଙ୍କ ଫଟୋକୁ ସେ ପୋଷ୍ଟ କରିଛନ୍ତି । ସେମାନଙ୍କ ସମ୍ପର୍କକୁ ଉଭୟ ପରିବାର ପକ୍ଷରୁ ସହମତି ମିଳିଥିବା ଜଣା ପଡ଼ିଛି । ସେପଟେ ପ୍ରିୟଙ୍କା ଗାନ୍ଧି ମଧ୍ୟ ସୋସିଆଲ ମିଡ଼ିଆରେ ଏକ ପୋଷ୍ଟ ମାଧ୍ୟମରେ ସେମାନଙ୍କୁ ଆଶୀର୍ବାଦ କରିଛନ୍ତି ।
